تولاي هارون لـ"زهير رمضان": هي المصاري لهيك أزمة مو لا تتبروظ فيهم
كتبت الممثلة السورية "تولاي هارون" عبر حسابها الشخصي في "فيسبوك": «بدي إحكي كلمتين محشورين بحلقي بعد ما لفت نظري على مواقع السوشال ميديا الشكر الكبير من المحامين بكل المحافظات السورية للسيد نقيب المحامين الأستاذ الفراس فارس بنقابة المحامين يلي اتعاطف مع منتسبي نقابته بكل أفرع المحافظات بهذه المحنة بزمن الكورونا.. بقرار جرىء ونوعي ورجولي وإنساني بهذا الزمن بصرف منحة مالية من صناديق النقابة ولو حتى أفلست النقابة.. وقبلها قام بصرف سلل غذائية من حسابه الخاص مع بعض الأعضاء، وتم إيصال السلل لمنازل المنتسبين دون تكبيدهم أي عناء بهمة بعض المحامين وكان الهدف بسمو النفس والاحترام إن المنتسب النقابي (ما يمد إيدو بتدين أو ياخد معونة من أيا وزارة كانت.. ولا بيخلي زميله العضو ينهان وهو عم يطلب سلفة أو منحة».
وأضافت تولاي: «ياريت تكون نقابة الفنانين لدينا بهذه الأنسانية و يأخدوا قرار جريء بصرف المنح من صناديق نقابتنا لزملائنا يلي هنن بالأساس لولاهن مافي مصاري بالنقابة ولا حتى هن صاروا أعضاء نقابة ويقولوا عندنا مليار بصناديقنا.. تفضلوا إذا مو وقت صرفها هلق بوقت أزمة الكورونا و رمضان ومافي شغل من عدة سنوات».
وتوجهت تولاي بالحديث إلى نقيب الفنانين في سوريا: «حضرة النقيب.. هيي المصاري لهيك أزمة مو مشان يضلوا بالصندوق وتتبروظ فيهم.. أنت بمنصبك مسؤول عننا نحنا الزملاء بهيك ظروف وممنوع تتهرب من المسؤولية وتزتنا لوزارة الشؤون الاجتماعية والعمل.. لأنك بتعرف في فنانين ممكن يموتوا من الجوع ولا بيبعتوا أسمائهم لغير نقابتن بحكم حساسية الموضوع عند الفنان.. ورح نفرض جدلا إنو الكل بعت للوزارة.. أنت ليش ما بادرت وعطيت المتقاعدين ولا هدول ما بينتخبوا لهيك أصواتن مو مهمة.. ومافي داعي نهتم فيهم».
وقالت: «ما بدنا تمثل علينا دور البطل وتقول رواتبهم 25 ألف بتكفيهم.. أنت ياترى بكفيك 25 ألف لأنو عيب علينا أمام المجتمع انو من أسس نقابة الفنانين ووصلك لمنصبها يكون هيك راتبه وحتى ما يستفاد بهيك ظرف من نقابته وانت من تمك قلت معك مصاري.. إما بتقول في مصاري ورح نعطي منح للمتقاعدين.. ولكل متضرر من وباء الكورونا.. أو بتطلع وبتعترف بالعجز المالي ونحنا وقتا منعذرك».
المصدر: مواقع
بواسطة :
jilan alhassan
Editor
شارك المقال: