أيمن رضا: نصحوني ما رد.. هموم الناس أهم من هالسخافات !

 

رد الممثل "أيمن رضا" على المقابلة الأخيرة للممثل "باسم ياخور" والتي تحدث فيها عن أسباب الخلاف بين الطرفين، قائلاً «نصحوني الشباب مارد وكتير من الزملاء الفنانين، والأصدقاء، حكوا معي وبيعرفوا الحقيقة.. لأنو إذا رديت مو لصالح حدا.. بس باكد إنو ماحدا إلو فضل علي.. وبعمري ماحدا عزمني إلا بدو مني شي.. وبعمرو ماحدا شغلني.. بالعكس كتير بيستبعدوني لما بينطرح اسمي».

وأضاف «أنا مابدي خلي موضوعنا التافه يشغلنا عن هموم الناس يللي هي أهم بكتير من هالسخافات.. وأنا بدفع ثمن صراحتي وبارادتي ومالي علاقة ببرستيجن المزيف».

وكان ياخور كشف للمرة الأولى تفاصيل خلافه مع رضا، قائلًا إنه «لا يوجد شخص تسبب في وقيعة بينهما، مردفاً أن الأمور بينهما كانت على ما يرام حتى فترة قريبة.

وقال إنه «استضفت أيمن رضا ببرنامجي "أكلناها".. ما حدا قالي إنه لازم تجيب أيمن رضا بحلقة للبرنامج أنا اللي جبت لأيمن على البرنامج ولم يتحدث معي أحد بشأن استضافته».

وأردف "ياخور" قائلًا: «اللي صار بالحلقة أبدًا مو منيح وبنص الحلقة لإنه ضيفي احترمت كل شيء قاله رغم إني قادر أن أرد، قالي إني ما حكيته بالأزمة من سنتين وهذا الكلام مو صحيح، أيمن رضا أنا على الأقل مرشحه للعمل خلال الأزمة وشكرًا ما قال وما طلعت منه وحياة ابني أنا كان فيني أحذف كل الكلام اللي قاله بالحلقة».

المصدر: رصد

بواسطة :