شكران مرتجى تفضح خفايا ما يجري بين الممثلين والشركات المنتجة

 

 

 

في رسالة موجهة بشكل مباشر إلى شركات الإنتاج نشرت شكران مرتجى "بوست" وجهت فيه عدة نصائح للخريجين الجدد، يبدو أنها نابعة عن خبرتها الكبيرة بخفايا  كواليس الاتفاقات، وكان واضحاً فيها حالة اليأس والخذلان الكبير لما يحصل بين الممثلين والشركات المنتجة.

وبدأت في رسالتها التي حملت عنوان" نصائح للخرجين الجدد ومن هم في بداية طريق الفن": "عزيزي وقت توقع عقد اوعك تصدق اي وعود وأي عهود بتاخد سلفة سلفه سلفه مصاري مفهوم هي اهم ملاحظة مشان اذا أتأجل العمل يضطروا يجيبوك وخاصة إذا فكروا يعملو عمل تاني يجيبوك مو مشان انك وقفت معهم كتير، مو لأنك موهوب، مو لأنك حامل رايتهم وماشي، مو لانك بتحكي عنهم بالخير، مو لأنه أخلاقك عالية، مو لانه انت صاحب مبدأ، كوني مصلحجية ولاتنتمي لحدا وانه مابشتغل الا مع فلان وعلان لااااااااا إياك اللي بيتجوز أمي بقله عمي".

وأضافت:"أسفة، رفس ارفاع أنفك لفوق فوق فوق بتكتر العروض والتليفونات وبوعدك أجرك بيكون بالدولار،ولا تطاطي وتحب الدور وتقول معليش كرمال الدور بتنازل بيتنازلو عنك ببساطه وكاسة الشاي بتجيك بالبلاستيك واللي بالدولار بيجيه الشاي ليبتون وكاسة زجاج،لاتتنازل عن موقع اسمك بيصيروا الكل يشوفوا موقع اسمك وبيحطوه بنفس الطريقة، اذا اتصل فيك مدير انتاج لاترد دغري بيقولوا مستقتل ليشتغل خليه يتصل اكتر من مره، 

سبهم اشتمهم من بعيد لبعيد بيصلهم بيجيبوك عالعمل ليكسروا راسك وتصير من جماعتهم وتصير تحكي عنهم بالخير صارت صدقوني".

وختمت رسالتها بـ:" انتبه وانتبهي الوفا ماعاد اله مكان بأي مكان إلا بشوية قلوب، اسفة إذا سببتلك الإحباط بس عم نورك رح تدعيلي، في لسه كتير شغلات انشالله بالجزء التاني قصدي بالحلقة التانية، بوست موجه للي فيه شوكه ورح تنخزه،سلفه سلفه لاتنسوا هي أهم ضمان مصاري موني فلوس ضمانتك ياحلو ياحلوة سامحونا".

رسالة "مرتجى" كانت مرآة لواقع الدراما السورية التي تعاني من حالة ركود إنتاجي، وتدني في مستوى النصوص والأعمال المطروحة، وفقاً لوجهة نظر ممثلي سوريا.

 

المصدر: رصد

بواسطة :