نائبة سورية تتوعد "خميس": «الجلسة القادمة إلها كلام تاني» !
كتبت عضو مجلس الشعب عن محافظة "طرطوس"، ديما سليمان، تعليقاً على كلمة رئيس الحكومة السورية "عماد خميس" في افتتاح معرض دمشق الدولي، عبر صفحتها الشخصية على "فيسبوك" بالقول: «يا ترى يا سيادة رئيس الحكومة بتعرف أنه بالوقت يلي أنت عم تجهز كلمتك وتعظم فيها الشهيد وتضحياته وعم تحكيها أنه في أهل شهيد مستشهد من ٥ سنين بخان شيخون وأهله ضلو ١٠ أيام يطلعوا كل يوم عالخزانات مكان استشهاده يحفروا بإيديهم لحتى لاقوا الجثمان وجابوه بدون مساعدة ولا جهة لا بالبحث ولا بالحفر ولا بالسيارة».
وأضافت: «بتعرف كمان أنه في أكتر من ٣٠٠ جثمان بالخان والأهل بيعرفوا وين مدفونين ولليوم ما حدا فكر يجبر هالخاطر المكسور ولو بكلمة».
وختمت بالقول: «جلسة مجلس الشعب بدا ١٥ يوم في إلها كلام تاني وترتيب تاني إذا موضوع الجثامين ما اتعالج بطريقة تليق بالشهداء أولاً وبأهله ثانياً... بس هالكلام أسرع لأن ماشالله مدير مكتبك وكادرك الإداري كله سهران عصفحتي اليوم».
المصدر: رصد
بواسطة :
شارك المقال: