فنانة سورية تتعرض لحادث سرقة وسط دمشق
نشرت الفنانة السورية روبين عيسى عبر حسابها على فيسبوك تفاصيل تعرضها لحادث سرقة وسط العاصمة دمشق.
وكتبت روبين، قائلة: "احذروا... أول امبارح بعد انتهائي من التصوير وخروجي من اللوكيشن تعرضت لعملية سرقة من قبل "عصابة" عالموتورات بطريقة بشعة ومؤذية وغير مفهومة بمنطقة راقية بوسط دمشق، ويفترض أنها من أكتر المناطق الآمنة وهي "دخلة نادي الشرق _ مواجه الفورسيزن" ومعي حدا مرافقني من الإنتاج ماشي معي لوصل ع السيارة والشارع فيه ناس ومليان كاميرات "اللي اكتشفت الشرطة بعدين انه ماكانت شغالة بسبب انقطاع الكهربا ؟!".
وأضافت: "طبعا (العصابة) ماشيين بسرعة جنونية وبعكس السير.. نشكر الله سرقوا حقيبتي بما فيها كله بيتعوض .. واللي عرفتو بعدين إنه هذه الحوادث تتكرر وأبشع منها بطرق مختلفة بهذه الفترة.. بتمنى من الجميع الحذر والانتباه".
وتابعت :"حوادث السرقة والخطف عم تصير بكل سلاسة وثقة وقلة ضمير .. فوضى شكرا لكل الناس الطيبة اللي وقفت معي واتصرفت وماتركوني وأنا بحالة الدهشة والصدمة والخوف وشكرًا لكل اللي اتصلو وسألوا واطمنوا شكرا.. الرجاء الرجاء الحذر والانتباه بهاد الوقت اللي قلت فيه الأخلاق والضمير".
المصدر: رصد
بواسطة :
شارك المقال: